Балаларға қуаныш сыйлап, мерекелік көңіл- күй қалыптастыру. Балалардың өмірімен денсаулығын сақтауға, бақытты балалық шаққа жағдай жасауға назар аудару. Балалардың құқықтарын қорғаудың маңыздылығын түсіндіру.
Мерекелік іс- шарада бүлдіршіндердің орындауында "Мен мектепке барамын", "Балабақша", "Көңілді балдырған", "Жазда келді көңілді", әндері шырқалды. Биші бүлдіршіндер "Көңілді серуен", "Гүлдәурен", заманауи флешмоб билерін биледі. "Бақытты балалық шақ" тақырыбында балалар үлескі алаңында бормен суреттер салды. Балалар аниматорлармен бірге көңілді, қызықты қимылды ойындарға белсенді қатысты. Педагогтер мен ата - аналар кішкентай бүлдіршіндерге жылы лебіздерін білдірді. Мереке соңында балаларға тәттілер сыйға таратылды.
